A Bulgarian spring custom

[Ivan A Derzhanski <cbmvax!uunet!COGSCI.EDINBURGH.AC.UK!cuvmb.cc.columbia.edu!iad>]

   Haven't written anything in Lojban for a while.
   Let's see if I still remember how it is done.

di'e detri li pa pi'e ci pi'e pasosore  .itu'e

la cimast. du le pamoi masti pe le vensa noi jaica cikna binxo faile
mivmunje  .i la'edi'u krinu lo slabu tcaci belei preblgaria  .i cala
cimast. padjed. ro preblgaria cu punji lo cmalu burcu ja bolci
beseta'ilo blabi jo'u xunre ke sunla cilta le taxfu .a le xance  .i
vo'epedi'u se cmene zoiby. MARtenitsa by. noi zo mart. noi valsi la
cimast. le banblgaria cu te zbasu  .i le'i skari pe le remna skapi
jo'u ciblu cu sinxa fole kazyka'o ki'uledu'u da poi remna cu se flira
lo dukse beleka blabi .a leka xunre cu cusku ledu'u da bilma

ni'o zu'i dasni la'ezoiby. MARtenitsa by. ji'elenu viska lo cipnkikonia
noi di'i xabju le gugblgaria gi'eku'i volkla le snanu cale critu gi'e
vu zvati cale dunra  .i ka'u lo cipnkikonia cu pe'a bevri le vensa
fole snanu po'a  .i le viska bevo'apedi'u djuno lenu le vensa cu zvati

ni'o .a'ocai ro lei lojbo se bangu baze'u kanro

co'omi'e .iVAN.