Wallops #9

[cbmvax!uunet!mullian.ee.mu.oz.au!nsn]

Sorry I don't have time to provide a translation (yet :P), but this one should
be straightforward. This is another Greek folk tale.

.ika'upuki le prenu goi ko'a cu mutce nelci lenu kelci loi kelkarda
.i ko'a ze'i cusku fi leko'a speni fe <<lu .e'u vi'ecpe la xrist. mu'i
lenu friti lo midydinri sanmi ra li'u>>
.i la xrist. cu te cusku le sego'i gi'e frasku <<lu mi .ai klama li'u>>
.ike'unai ca le midydinri la xrist. noi se kansa roleri tadni cu klama
.i leko'a speni bazi lenu viska ri joi ra cusku <<lu le nanba na banzu .u'u
.oiro'a li'u>>
.i la xrist. cusku <<lu .i'a go'i .i ti cavi nanba
.iseni'ibo ti .o'o bazivi se citka mi'o li'u>>
.i nicygai le jubme .i zutse mu'i lenu citka
.i la xrist. cesto'edapma le nanba
.i ri banzu tu'a lei citka gi'e .u'a dukse

no'i la xrist. ba cpacu loi vanju mu'i lenu pinxe kei
gi'e te preti fo ko'a felenu ko'a djica lenu la xrist. dunda dakau ko'a
.i lei tadni cu cusku <<lu dunda tu'a .e'usai le cevzda li'u>>
.i ku'i ko'a cusku fi la xrist. fe <<lu mi ponse lo plisytricu
noi zo'e klama ja'e lenu citka lei plise
.iseki'ubo mi djica lenu ro klama .i'anai be le tricu cu se lasna fi ri li'u>>
.i la xrist. cusku <<lu ledo seldji ca'a do'a fansu li'u>>
.i la xrist. ba cpacu le remoi kabri
.i cusku <<lu do djica lenu mi dunda ?ma do li'u>>
.i lei tadni cu cusku fi ko'a fe <<lu ko bacru .e'ucai <<lu dudna tu'a le
cevzda li'u>> li'u>>
.i ko'a cusku <<lu .ai na'e go'i
.i mi djica lenu mi jinga fo ro nu mi'a kelci loi kelkarda li'u>>
.i la xrist. cusku <<lu ledo seldji ca'a do'a fansu li'u>>
.i la xrist. ba cpacu le cimoi kabri
.i <<lu do djica lenu mi dunda ?ma do li'u>>
.i ko'a bazi cusku <<lu tu'a le cevzda li'u>>
.i la xrist. cusku <<lu ledo seldji ca'a do'a fansu li'u>>
.i la xrist. baza cliva .i ko'a co'a kelkarda kelci
.i ko'a jinga fi ro prenu lenu ri joi ko'a kelci
.i la xrist. kucyga'a se sfacatra
.ipujecajebabo ko'a kelci .ue.i'enairu'e

ni'o la xrist. klagau lo notcrida noi cusku fi ko'a fe
<<lu la xrist. klagau mi ti mu'i lenu mi lebna do
.i lenu do kelci cu banzu .u'i
.i lenu do jmive cu sisti .uo li'u>>
.i ko'a cusku <<lu .i'a go'i
.i .e'odo'a ko citka su'o plise .ibabo mi klama li'u>>
.i le notcrida cu klama mu'i lenu citka kei gi'e se lasna
.i le notcrida cu cpesku <<lu ko .e'ocai klama ja'e lenu to'e lasna mi li'u>>
.i ko'a cusku <<lu mi klama do
punaijeca.ai.u'i.ionairu'e lenu mi ga'i djica li'u>>
gi'e di'i kelci
.i ko'a ca lenu mo'u se cinri lenu kelci cu klama le notcrida
gi'e cusku <<lu mi ca to'e lasna do gi'e .i'a kaskla do li'u>>
.i ko'a klama fo le daptutra
gi'e viska la xades. noi se kansa pare se jdadapma ku'o
gi'e cusku <<lu .e'u mi'o velji'a kelci
.i.e'u ge mi te jinga gi'o roroi vi stali
gi mi jinga gi'o cpacu leti se jdadapma li'u>>
.i la xades. zanru .i ri joi ko'a co'a kelci
.i ko'a ba cusku <<lu li ci pi'i mu du li pamu
.i li pamu su'i pa du li paxa .u'a
.iseni'ibo .e'o ko dunda le se jdadapma mi li'u>>
.i ko'a lebna le se jdadapma gi'e klama le cevzda

no'i la xrist. ca lenu ko'a joi le drata cu klama ra cu cusku
<<lu mi cpedu lenu do noi pamei cu klama mi
.i do klagau .ue lo du'emei le vizyklo li'u>>
.i ko'a cusku <<lu mi si'a ca lenu mi do vi'ecpe
mu'i lenu mi friti le midydinri sanmi do
cu cpedu lenu do noi pamei cu klama mi
.i do klagau ku'i lo pacimei .oiro'a
.i mi nepa'a ca .o'inai klagau lo pacimei li'u>>
.iseni'ibozo'o la xrist. zanru tu'a ropaci klama

---
'Dera me xhama t"e larm"e,	      T  Nick Nicholas, EE & CS, Melbourne Uni
 Dera mbas blerimit		      |  nsn@munagin.ee.mu.oz.au (IRC: Nicxjo)
 Me xhama t"e larm"e!		      |  Milaw ki ellhnika/Esperanto parolata/
 Lumtunia nuk ka ngjyra tjera.'	      |  mi ka'e tavla bau la lojban. je'uru'e
 - Martin Camaj, _Nj"e Shp'i e Vetme_ |                *d'oh!*