la nitcion. klama le kafybarja

[cbmvax!uunet!mullian.ee.mu.oz.au!nsn]

.i mi se lidne la vei,on. ba'acu'i lenu nerkla le la jbolaz. kafybarja
.i mi sutra joiku'i.o'a banli cadzu pa'o le cravro noi tilju je jadycau
.i lenu mi pu kargau le vorme cu mlirocnandu gi'e sacri'a lenu mi catke
.i le te vorme cu se gusni lo lecydo'i milxe gi'e se kufra cmalu
.i panomei sa'enai.a'acu'i loi jubme
.i mi zutse ne'a lo na'e se tsejbi jumbe {poi diklo le kumfa kojna gi'e
stula'i le vorme ku'o} gi'e catlu loi zvapre
.iza'a la vei,on. zutse vi le ragve kojna gi'enaipe'i zvaju'o mi
.i ra zanfri .i'e.o'enai loi panci be loi vi ckafi
.i mi zmanei loi tcati gi'e.o'o.aucu'i denpa lenu lo djabe'ipre cu jundi mi
.i milxe savru gi'e ruble nungei
.iku'i mi cabdei melu.i'inai li'u vau.u'uru'e
.i lei bitmu cu se jadni loi carmi bo vrici joi na'e mitsarxe beja'i le tcaci
.i le re cpare ka'amru poi mitkruca se punji fi le cravro gapru na minrysarxe
.u'iru'e
.i na go'i fa loi drata ke bitmu se punji nemu'u lo dembi poi vreta lo kicne
ku'o jo'u lo slabu tcityta'o nesecu'u lu vi xagrai loi tauzba pe levi tcadu li'u
ge'ujo'u lo befydai noi te ciska zo sindereluud.
.i mi ca jundi le jbusfe pe mi
.i te ciska so'ida nebau la lojban. e la bangrnesperanto .e le glibau .e.ueru'e
le dotco
.i le dotco cu se ciska ta'i la fraktur
.i mi xebni la fraktur
.i mi djica (lenu ciska fi le jbusfe fe lu mi la fraktur xebni mi'e kilrois.
li'u kei) gi'enai ca ponse lo ve ciska befi loi mudri
.i mi ka'e lebna lo cpare ja bisli kilmru le zunle bitmu
.i mi co'i morji le xajmi pe lei bisli kilmru jgari rlcisge'upre
.iku'i lenu le xajmi cu jboselsku na se snada mi
.isemu'ibo mi pensi sanga le se finti be la suZAN.vegas.be'o peme'e lu le la
tom. gusta li'u
.i lenu go'i cu se dicra lenu lo djabe'ipre noi .uacu'i xindo cu klama mi gi'e
cisma bacru lu cticpe ma doi lojbo ga'icu'i li'u
.i mi co'a se spaji catlu le be'ipre .i mi nelci le be'ipre
.i mi mutce nelci co se trina le be'ipre ja'e lenu mi na spuda ri
.iseki'ubo ri cmila joiku'i milxe bo se fanza bacru lu be'ebe'e xaupre zo'o
ctidji ja pixydji ma li'u
.i mi spuda barcu lu je'eki'e pendo .u'u si ba'edo'u.u'u .u'ise'i go'i lo tcati
li'u
.i le be'ipre goi ko'a cu bacru lu go'i lo tcati pele'a ma li'u
.i mi lu .aicu'i do ma stidi li'u
.i ko'a lu .e'a la kukytcat. noi vi purlamrai terve'u li'u
.i mi lu .i'e ko bevri le la kukytcat. tcati li'u
.i ko'a bacru lu baziba'o go'i .oinai li'u gi'e cliva mu'i lenu bevri nagi'e
tavla lo drata zutse
.ipujecabo lu'i le jukpa kuce le patlu'i lu'u nevi le jupku'a cu cladu joi
selzdi dabysnu
.i le jukpa cu so'uroi batykla gi'e ve jivrei le se casnu lei zvati
.i.aucai mi na te preti
.i le barjyjatna noi dasni lo jikri'i taurgunma ca tavla la vei,on.
.i mi xance rinsa la vei,on. i ko'a spuda rinsa gi'e nupre lenu bazi kansa mi
kei mi
.i loi cnino cu nerkla gi'e cladu rinsa loi no'e cnino noi na'oca'o te lisri
.i mi na .ai cabdei ve lisri
.i mi .a'icu'i cabdei xebni la fraktur.

Free Translation into English.

I've been preceeded by Veijo in entering Cafe Jbolaz. I swiftly and yet grandly
make my entrance through the front door, which is heavy and plain. Opening the
door took a bit of effort, and made it necessary to push. What is behind the
door is illuminated by mild afternoon light, and is comfortably small. There's
about ten tables, I dunno. I sit at a table with noone by it, in the corner and
next to the door, and look at the people here. I see Veijo sitting in the
opposite corner, and I don't think he's noticed I'm here. He's getting high
on the coffee smells. I prefer tea, and I'm waiting --- not that anxiously ---
for a waiter to notice me. There's some noise and a bit of merriment. But
today, I'm feeling private --- uh, sorry about that. The walls are decorated
by miscellanea, unharmonious by the usual standards. The two climbing axes
above the front door aren't quite symmetrical. Nor are the other objects on
the walls --- a pea on a cushion, for example, an old signboard saying "Best
Tailor in the Whole Town", and a belt with "Cinderelwood" written on it. I
look at the table-top where I'm sitting. It's been inscribed with lots of
stuff, in Lojban, Esperanto, English, even German. The German stuff is in
Fraktur script. I hate Fraktur. I want to write "Kilroy woz here and hates
Fraktur", but I haven't got something to write on wood with. I could take
an ice-pick or climbing-pick from the wall to my left. I recall the joke
about the ice-pick wielding bisexuals, but it doesn't go into Lojban too
well. So I start mentally singing Suzanne Vega's _Tom's Diner_. I am
interrupted by a waiter, Indian I suppose, who comes to me and says, smiling:
"What'll ya have to eat, Lojban-lover?" I look at the waiter, surprised. I
like the waiter. I really like the waiter. I'm so attracted to the waiter,
I forget to answer. So s/he says, laughing but a bit annoyed, "Hello? Earth
to Goodfellow Lojbanist? What'll ya have to eat or drink?" I answer "I hear
you, and thank *you*, friend (shgeez) --- Oh, not shgeez about you, shgeez
about not answering; what a klutz I am! :) I'll have tea." "What kind of tea?"
"*shrug* What do you recommend?" "Oh, you could have a Tasty-T; it's our most
recent purchase." "OK, get us a Tasty-T." The waiter says "Consider it done",
and leaves, not to get it, but to talk to other patrons. While this has been
going on, the cook and the dishwasher in the kitchen have been loudly and
enthusiastically arguing. The cook occasionally comes out and asks the patrons
for their opinion about the topic he's debating. I *really* don't want to be
asked. The manager, wearing a suit, is talking to Veijo. I wave at Veijo; he
waves back and promises me he'll be with me in a moment. New people enter and
loudly greet those already there, who are typically telling stories. I don't
feeling like being told any stories today. Today, I feel like hating Fraktur.


---
'Dera me xhama t"e larm"e,	      T  Nick Nicholas, EE & CS, Melbourne Uni
 Dera mbas blerimit		      |  nsn@munagin.ee.mu.oz.au (IRC: Nicxjo)
 Me xhama t"e larm"e!		      |  Milaw ki ellhnika/Esperanto parolata/
 Lumtunia nuk ka ngjyra tjera.'	      |  mi ka'e tavla bau la lojban. je'uru'e
 - Martin Camaj, _Nj"e Shp'i e Vetme_ |                *d'oh!*