CAFE.INT.REV xire zoi pu. le kafybarja po'u la jbolaz. pu

[I.Alexander.bra0122@OASIS.ICL.CO.UK]

la jbolanzu kafybarja

.i lu .ie.a'a .ie.o'onairu'e (cu'usa'a mi noi caki vilkla zo'a le vorme
fi'o te mlixra le janco ku'o) sera'a ma pezyjicla li'u
.i mi vile zdani pu zutse co cando .icabo mi terbei lo notci poi
ve cusku le se du'u lu'o la vei,on. joi la nitcion. lu'u goi ko'a
noi zvati le kafybarja po'u la jbolaz. cu djica lenu penmi mi vi ra
.i lu ma mo li'u na se spuda
.i ko'a jundi casnu la fraktur.
.i mi zo'u la fraktur. no'e cinri
.i mi co'a zutse ne'a lo jubme poi lamji le me ko'a ku'o
gi'e denpa lenu se zvaju'o da no'u ga ko'a
gi lo selfu noida'i bevri loi ckafi mi

ni'o lemi jubme cu xekri seja'e loni to'ercitno
.i ra ve srakysku zo mi ce'o prami bu ce'o lu le cmacrnalgebra li'u
.i mi nelci le jubme
.i mi de'a morji fi la vei,on. .e la nitcion.
gi'e co'a pensi
.i misi'a se cinri so'a klesi belo sinxa ciste be'o noi nalvai fa ledu'u ke'a
ge'ikau te javni mu'u le sucta cmacrnalgebra
gi mecritli mu'u loi rarna ja rutni bangu
.i la'edi'u mukti lenu mi tadni la lojban. kei noi ki'u ke'a
mi zvati la jbolanzu

no'i lo be'ipre cu klama co veigau lemi selcpe po'u
lo barda carmi bo ckafi gi'ebabo
nalsirkla mo'ize'oku na'e mo'ifa'a le jupku'a
.i .uaru'e simlu falenu ko'a ze'apu naje ca zvaju'o mi
.i mi'a simxu rinsa
.i la'aru'e mi bazi facki le krinu belenu sutrygau

--------------------------------------

"OK, OK!", I say, barging through the door, bruising my shoulder,
"What's all the fuss about?"  I was sitting at home quietly, when
I got a message saying that Veijo and Nick, who are at the Cafe
Jbolaz, want to see me there.  "What's up?" - no reply.
They are deep in a discussion about Fraktur.
Me? I can take it or leave it.
I sit down at a table next to their's and wait for someone
to notice me, either them or one of the people serving
who might bring me some coffee.

My table is dark with age.  On it is carved "I", a heart, and
"algebra".  I like this table.  I forget about Veijo
and Nick and start to ponder.  I too am interested in all
kinds of symbolic system, whether formal ones like abstract algebra,
or more flexible ones such as natural and artificial languages.
That's the reason I'm studying Lojban, which is why I'm
at the "Jbolaz".

A waiter comes and takes my order for a large, strong coffee,
and wanders off, not heading for the kitchen.  Ah, it looks
like they've spotted me at last.  We say hello.  Perhaps
now I'll find out the reason for all the rush.

--------------------------------------

Iain.