Re: replies re. ka & mamta be ma

[jorge@PHYAST.PITT.EDU]

la goran cusku di'e sera'a le te frica zo fancu zo selbri

> .i da selbri gi'anai fancu to .i ro fancu cu selbri .i su'o
> selbri na fancu toi .i lesedu'u da fancu de di kei selsmu ledu'u
> rodixipa poi cmima di ba'e pa dexipa po'o poi cmima de zo'u da selbri
> fidexipa ce'o dixipa .i .a'o ka'e seljmi

i xamgu ciksi  i ku'i ca'i le gi'uste le du'u da fancu de di cu nibli
le du'u ro dexipa poi cmima ba'e de no'u le se fancu pa dixipa poi cmima
ba'e di no'u le te fancu zo'u da selbri fi dexipa ce'o dixipa

i ku'iku'i pe'i zmadu fi le ka lojbo fa tu'a le selsku be la goran
(to ko karbi zo klama toi)

> no'i mu'a zo nanca fancu lo'i prenu lo'ini citno .i roda poi prenu zo'u
> da nanca lo ba'e pamei to .i nodi nanca lireno .e lirepa toi
>
> no'i mu'a zo ponse selbri filo'i prenu .e lo'i selpo'e .i roda poi prenu
> zo'u da ponse lo ba'e su'onomei .i to de ponse nodi .i de ponse so'adi
> toi

iecai i xamgu mupli

> co'o .and. mi'e. goran. poi djica lenu la lojban. se pilno

co'o mi'e xorxes noi ji'a djica le nu ly se pilno