mroselmorji

[Chris Bogart <cbogart@QUETZAL.COM>]

le caba'o masti cu sutra joi xlali .i le mensi be le mi selprami cu se
malcatra .oicai le fenki bazi la logfest. .i le mensi pu se cmene zo tamis
.i le nanmu fenki .e la tamis pu cmima le jinmyskori tertivni kagni .ije
gunka lenu jorne lo jinmyskori lo prenu zdani .i lenu le ninmu cu gunka
la'edi'u cu na kampu .i la tamis le fenki cu mutce zmadu leka xamgu gunka .i
le fenki na krici ledu'u xamgu falenu le'e ninmu cu zmadu le'e nanmu .i le
fenki pu bacru la'edi'u gi'e kajde la tamis gi'e malkalte ty. .i la tamis.
pu jdica lenu tsali joi nalterpa joi nalmipri be vo'a .i le fenki pu catra
ko'a .i ca le purlamdei mi'a klaku preja loi fagyfesti vi loi cmana
-ni'o-
lenu cavi ciksi la tamis rodo kei na cumki .i mi ka'e ciksi la'edi'e po'o .i
da'i lenu la tamis cu terpa bajra mipri vo'a .isemu'ibo da'i mi tcegleki
lenu ko'a jmive .iku'i loka ty. na pu ka'e bajra cu cmima lo'i mukti belenu
mi'a ty. prami