TEXT: How I spent my holidays

[Nick Nicholas <nnich@LEON.NRCPS.ARIADNE-T.GR>]

The following was to be the start of a saga-like telling of my overseas
sojourn, which I wrote in the bus from London to Manchester on the 10th
of August. I don't think it's going to have a follow-up, since it's
taken me this long just to type it in, but I thought it might be of
interest. I'm not totally happy with the piece, but I'm leaving it as
is (with the exception of an inserted "toi"), as a document.

.i ko se rinsa mi doi lojbo mi'e nitcion.
.i mi ca litru le ropno gi'e .ai skicu lei se lifri do bau mi'o

ni'o la xorxes. ba'o te preti fo mi lu xu do sirji klama la london.
la romas. li'u sa'enai
.i na'e sirji klama
.i le nunli'u girzu pe mi cu cuxna nu'i la romas. e. la .alitalias.
no'u le gugdrnitalia. vinji girzu nu'u mu'i tu'a lenu mi vinjykla kei
ki'u lenu cu'uku traji leka tolkargu ra'a leimi se platu selyli'u kei
foro vinji girzu
.i ba'o lenu mi vinjyli'u fu lo la .alitalias. marce kei mi ca jimpe
ledu'u tolkargyrai ki'u dakau
.i le nunkla be mi bei la romas. bei la melbn. cu cacra li rere gi'e
tolkufra ki'u leka lei stizu cu dusycma kei gi'e galxe sudga ckaji
ki'u lenu le vanbi jitro cabra cu cokcu lei vacri djacu kei .e lenu le
vinji selfu cu toltugni lenu cafne dunda loi se pinxe lei se marce
.i le vinji cu denpa vi la bankok.
.i la bankok. cu menli cpina mi leka dukse djacu vacri glare kei noi
.o'onai mojri'a mi la sidnis. kei .e lenu mi na'e snada facki lo
daskyselbei vrejytci poi banzu leka kakne fa'u tolkargu poi mi se mansa
kei mi

no'i le kindraci poi se jarco fi mi'a cu se cmene la rob. rois.
.i mi pu viska le draci vi le sralo
.isemu'ibo mi na'e carmi se cinri le ca krefu
.i le ropno cu frica le sralo lenu lei kindraci .e lei tivnydraci cu
se fanva fu le bangu be lo'e viska fi lo se bacru .enai lo seke ciska
jarco
.iku'i le ca'a ka bacru fanva cu mleca leka fanva poi mi denpa kei le
kamxajmi ki'u lenu lei bangrnitalia. voksa cu mutce simsa lei krasi
bangu voksa
.iku'i cinri falenu le bacru pe le ralju ke ninmu xe draci no'u la
djEsikas. lang. cu vasxycru
to ka'u le ka ninmu vasxycru cu ckini leka cinse trina toi
.iku'i ci'e le glibau kindracu zo'e na'e jinvi ledu'u nitcu loi cinse
trina voksa
.i zo'e tignygau la DJEsikas. lang. mu'i leka leri kamcinse cu makcymlu
gi'e ni'ibo carmi frica leka cinse pe le'e nunvasxycru

no'i na nelcycai la .alitalias.

ni'o co'u klama la romas ca li pano pi'e vomu
.i carmi glare
.i .o'unai dukse glare
.i le vijykla so'irprecarce cu kunti loi sarji gi'e slabu gi'e se bebna
.i ca'o dukse glare
.i le vizykla mlana be le vijnytcana no'u la fiumitcinox. cu tolvajnymlu
.i lenu go'i cu na'e spaji
.i ca lenu da ba'a klama lo gugde kei na sarcu fa lenu tcidygau da lenu
klama
--
Nick Nicholas. Linguistics, University of Melbourne. In Greece until Feb. '96.
            Normally:     nsn@speech.language.unimelb.edu.au
     TEMPORARILY (until end of '95): nnich@leon.nrcps.ariadne-t.gr