Re: le/lo

[JORGE JOAQUIN LLAMBIAS <jorge@INTERMEDIA.COM.AR>]

i le nunsnu be la djef joi la bob cu krefu da pe mi joi la bob zi'e
pe puza loi nanca  i pe'i le cuntu na ba se danfu bau le glico
i ca le nu la bob ba'o co'a pilno le bangu le nu ciksi le by se
darlu ba seljmi fa le du'u xukau by drani le ka jinvi  i ji'u le mi
selfri zo le zo lo mutce zmadu le ka ce'u xokauroi se pilno
le nu sinxa lo'e te jimpe be fi le tavla kujoi le se tavla i le du'u
xukau lo ve skicu cu jetnu cu so'eroi nalvai  i ku'i mi denpa
le nu la bob cu ciksi bau la lojban i mi ba jundi le se cusku
enai la'e le se cusku

 co'o mi'e xorxes