Re: xu le mi lojban sinxa cu drani

["Jorge J. Llambías" <jorge@INTERMEDIA.COM.AR>]

to zoi dy h dy na lerfu bau la lojban i xu zo xartmut cu pluka do toi
i la xartmut cusku di'e

>xu mi se curmi le nu cusku di'e

i le nu do cusku di'e na se curmi le lojbo gerna

>mi se cmene ke zoi dy Hartmut Pilch dy pe bau le dotco
>je jy Pei2 Han2mu4 jy pe bau le jungo ke'e

i do se cmene zoi dy Hartmut Pilch dy pe bau le dotco ge'u
e zoi jy Pei2 Han2mu4 jy pe bau le jungo

>xu zo ke se nitcu

i na go'i i zo ke naldrani va'o di'u

>>  > .i mi jungo bo se tadni larcu bo vlipa
>>  > zi gugde cipra zi zanru jungo ponjo dotco fanva
>
>>  I don't understand most of that... :)
>
>xu do jimpe di'e
>mi cu jugyseltad larvli

i mi jimpe tu'a zo jugyseltadni i ku'i na go'i tu'a zo larvli
i xu do skudji le du'u do certu le ka jungo se tadni

 >>  i ginka fa la'o dy 80636 Blutenburgstr 17 dy pe le dotygu'e
>
>mi djica le nu mi punji lu dotygu'e li'u ca'u lu dy 80636 .. li'u
>mu'i nu le dotygu'e cu se pagbu le dy 80636 .. dy

i pe'ipei le se pagbu na ka'e se lidne le pagbu

 >>      i e'osai ko mrilu fi le judri po'u zoi zi http://www.a2e.de/phm/ zi
>                   ^^^^^
>xu lu mrilu je na lu tcidu

i ie i e'u di'e
i e'osai ko mi vitke la'o zi http://www.a2e.de/phm/ zi

>doi xorxes .i ckire do

i je'e co'o