Re: Summary so far on DJUNO

["Jorge J. Llambías" <jorge@INTERMEDIA.COM.AR>]

>> i le cusku ka'e stace cusku lu de djuno da li'u nagi'a jinvi da
>> i ku'i le du'u le cusku jinvi da na banzu le du'u cy ka'e stace cusku ly
>
>.i .ie lejei da se jinvi cy. .e ji'a de cu dunli lejei cy. ka'e stace
>cusku ly.
>.i xagmau xu

i go'i i ku'i na prane  i le nu stace cusku ly cu sarcu ji'a le nu
cy jinvi le du'u de jinvi da  i va'i lu de djuno da li'u dunli
lu de jinvi da noi jetnu li'u le ka smuni  i seki'ubo cy ka'e sacysku
lu de djuno da li'u gi'o jinvi da e le du'u de jinvi da

 >> >.i loi mipxu'a cu pe'i so'omei la lojban. fi'o te kabri lo rarbau
>>
>> i le se xusra pe zo djuno na se mipri
>
>.i la'ezoi gy. presupposition .gy. cu smuni le lujvo .imu'ibo na'e ke
>ralju bridi ke'e xusra .i va'o lenu do finti lo xagmau lujvo kei ko
>benji .i pu'o la'edi'u mi ralte tu'a zo mipxu'a

i pe'ipei va'o le nu mi cusku lu ta mlatu li'u kei mi mipxu'a
le du'u ta danlu i le du'u lei se djuno cu jetnu cu panra le du'u
lei mlatu cu danlu i xu lei me di'u se mipxu'a cu ca'a so'omei

>> >.i lo bridi smuni cu selbai .ei loi tersu'i
>>
>> i po'opei loi tersu'i  i xu na go'i le selbri
>
>.i nai .i ja'ago'i ji'e

i li'a i le du'u le se djuno cu jetnu cu pagbu
le smuni be zo djuno pa'a le du'u le du'u le mlatu
cu danlu cu pagbu le smuni be zo mlatu

co'o mi'e xorxes