la'o by. langserv by.

[cbmvax!uunet!OASIS.ICL.CO.UK!I.Alexander.bra0122]

ju'i la lojbab.

mi jinvi le du'u mi facki so'u srera nene'i
lu'a lo selste be ne'i lo samselfu po'u la'o by langserv by be'o
zi'e noi na'e barda gi'eku'i su'oparoi vajni

ni'o le nunyna'e selsku zo'u

.i mi jinvi le du'u lo selsku po'u
lu mi .enai do prami roda li'u
du
lu roda zo'u mi .enai do prami da li'u
.e
lu roda zo'u mi prami da .ijenai do prami da li'u
.e
lu roda zo'u mi prami da .ije naku zo'u do prami da li'u
.enai
lu mi prami roda .ijenai do prami roda li'u
po'u lo mupli po'u li vopi'ere.abu zi'e goi ko'a

.i mi pu jinvi le du'u mi co'a jimpe le velctu kei
pu le nu mi viska ko'a noi mulno cfipu mi
pu le nu mi facki.ua le du'u la'a ko'a srera

ni'ota'o le nu pilno zo le'e poi pagbu le cipamoi papri kei cu srera
ki'u le nu zo le'e cmavo lo selma'o be zo le .enai zo bai
.i mi jinvi le du'u lo terzu'e be lenu cusku cu du zo le'a

ni'oza'umai lo lujvo po'u zo rapdarxi cu xlali seltarmi
ki'u lenu lo lerfu po'u py ce'o dy cu midju velmi'a
co srera fo le crutadji gidva

ni'oji'a zasti fa so'u cmalu srera
.i lo mupli po'u li mupi'exaby selpau zo na neja'e du'e natfe
.i lo mupli po'u li sopi'ere.abu zo'u sarcu fa zo cu
re'o zo verba bi'o zo klama
.i lo mupli po'u li parepi'eci.abu zo'u sarcu fa zo naku
re'o zo djan. bi'o zo klama

ni'o lo gerna velskicu po'u la'o by bnf.28 by zo'u
.i lo javni po'u la'o by paragraphs<4> by selpau
zoi by utt-string by noi selbasti zoi by paragraph by gi'anai xagmau selsku
.i lo javni po'u la'o gy selbri-1<131> gy
pagbu le cukla ke girzu zbasu lerfu noi
xagmau selsku nagi'a selbasti le kurfa ke grizba lerfu
.i lo javni po'u la'o by selbri-5<151> by claxu
le nuncu'a curmi lerfu po'u zoi by | by ri'u le pamoi linji

ni'oji'a lu'i lo vlaste po'u la'o by logdata3.lex by
selcmi zo re'a noi selskicu fo da poi li re ni sumti ke'a
.i mi jinvi le du'u ni sumti zo re'a kei fa li pa

ni'oromai lo valsi po'u zo bitmu cu selskicu lo vlaste po'u
la'o by gismu.lst by fo da po'e lo nunctu po'u la'o by 1h by
zi'e noi lo drata valsi po'e ke'a simlu lo mulno frica
.i.e'u le valsi cu pagbu lo drata nunctu

co'omi'e .i,n.