Re: coi doi goran

[Jorge Llambias <jorge@PHYAST.PITT.EDU>]

coi doi kris

> .i frili fa lenu casnu le gerna bau le glico kei .enai lenu pilno le gerna
> bau le lojbo kei

i go'i
i mabla cukru'e
i le nu pilno la lojban cu nandu  iseku'ibo la lojban na se pilno
i la lojban na se pilno  iseku'ibo nandu fa le nu pilno ri
i ku'i ui mi facki le du'u le ka nandu cu mleca binxo fau le nu mutce pilno

> .i mi pu xabju la niPON. .e la kalyrados. .i le gliban se ctuca vi la niPON.

i pau do ctuca fo la gliban ije'i ctuca do

> .i .ui.uinai ca purlamjeftu le mi bruna cu klama la nePAL mu'i lenu ctuca le
> cmacyske be'i le merko panpi jenmi

i zo'o xu lu merko panpi li'u cu srana la'o ly Pax Americanna ly
i pe'u do'u ko mi fraxu le nu no'e xajmi
i mi stidi le nu pilno lu le merko ke panpi jenmi li'u

> .i mi mutce nelci la'o <gy. James P. Hogan gy.> .iku'i lei ri selfinti zo'u
> le slabu cu zmadu le cnino leka xamgu

i la'e di'u cu cafne fasnu fau le nu lei finti cu binxo lei misno

> >ni'o mi srera lenu ciska bau la lojban. .ije pe'u ko dragau tu'a mi
>
> .i .io mi gleki lenu do troci je kakne lenu pilno lei nandu .i mi piso'oroi
> terpa lenu nandu lojbo pilno troci

i e'o doi mi'o ko jinga fi lei mi'o selterpa
(to zo'o ko zgana le du'u makau tavla toi)

co'o mi'e xorxes