My version of the radio play

[Chris Bogart <cbogart@CSN.ORG>]

Hi all:

Here's my first draft of the radio play.  It took a long time, and I'm
afraid it's a pretty literal translation of the English in many places.  Now
I'll go through Goran's translation (which I haven't read yet) side-by-side
with mine and see how they compare.



                 -- la restxev,n --

pavterlisri:  caki la repasovo nanc. le ganra tcadrxyRAre noi raltca la
zimBOBweis ku'o se nenri le stuzi noi cmene zo restxev,n

relterlisri: .i ne'i le banli bitmo noi klubandu le tcadu ku'o lei xabju be
la restxev,n ca'o cuxna lenu se tcaci le tcaci be lei friko be vi le
cemlanzu cmatcadu bei pu ca'o le so'oki'omoi nanca be'o po'u lenu banrygau
le vo'a cidju kei

pavterlisri: .i ne'imo'i le ti nalcapstu cu se nutkla ci verba panzi be le
jecta bandu vajni .i le verba zo'u cmene fa zo tendais le nanla gi'e cmene
fa zo ritas le citmau mensi be ty gi'e cmene zo kudas le traji citno bruna
.i de'a lenu le verba cu litru le tcadu kei se kavbu vi le vindu festi sorcu
le cizda'u ninmu poi se cmene zo fetxanto .i le verba jai selbai la fetxanto
gi'eba rivbi

relterlisri: .i cakiku ca'o lenu vy denpa fo lenu zdaxru cu pluka fa le ka
melbi .e le ka surla pe la restxav,n lei verba .iku'i go'i la tendais na.e
la ritas poi frica fo le ka jinvi

ritas:  .i'onai ba'e do zo'u zabna .i do ba'e nanla .i curmi lenu ba'e do
vreta ve lisri .iku'i bapli lenu ba'e mi lumci lei nenri loldi .e lei bartu
loldi .e lei taxfu .e .a'unai lei cifnu ckana bukpu .i malrigni .i .e'o.e'u
ko cpedu tu'a le calxrafonxa mu'i lenu tavla la patfu .i mi se jundi noda

pavterlisri:  la ritas cu mipri vo'a fo lei rotsu demspati ne'i le tcecma
kutstu .i ponse le derxi be lei rigni toljinsa matci poi la tendais sruma
lenu cifnu ckana bukpu

tendais: .i sei smaji voksa mi si'a na se jundi .i mi puta'e troci ze'u lo
djedi be li so'o

relterlisri: la restxev,n te javni lenu la tendais na kansa la ritas .i
tcaci falenu lei nanla lei nixli na kansa puco'a lenu speni brebi'o

ritas: .i ba'e ja'a go'i .i tirna lu .i'o le cnino nanla cu mutce pensi
stati .i .i'o ri zabna terlisri li'u .i le xabju cu jinvi conu do lei
selrasyjukpa ratcu cu dunli leka banli sei la ritas cu rigni slilu .i xu
viska fa do le se kecti .uu ca le ta pamoi nicte

tendais:  .i le mi'o dzedzena ry pu citka .i mi'o na nalre'ucti

ritas: .i ba'e citka puku fa le dzena .iku'i le speni be le dzena cu jai
sebai catra ry .i .au da'i do pu tirna le ry cmalu krixa

tendias: .i ko na ciksi .a'unai

pavterlisri: le malpanci be lei bukpu cu tsatra .i la tendais djica lenu
sarji .iku'i la'edi'u ju'o na se curmi

ritas: .iji'a lei fetspeni zo'u mo le remoi fetspeni be la garikai,is poi
ralju .i la tcipos cu nilnalci'o li ba'e pavo .ije bimei masti se tarbi .o'onai

tendais: ko voksi smaji

ritas:  .ai mi voksi smaji .inaja da'i do tirna jundi .i ti'e le pamoi speni
pe la garikai,is noda se jbena .i la pruxi velsku pu jinvi cusku ledu'u sy.
mipri termakfa .i cusku ledu'u lei termakfa cu mipri citka le ty. cifnu .i
.ianai xu bebna go'i

tendais: .ii ko smaji

ritas: sei ry. le voksa cu smajygau .i le garikayi,is speni be la tcipos.
binxo ca lenu ty. nilnalci'o li pare .iku'i ba'e caba'o ku ty. na se tarbi
.i ju'o gy. xanka la'edi'u .imu'ibo gy. no verba cu ponse .i la'edi'u se
ckeji .iki'ubo .u'e roda tolcando seva'u ty.  .i ty. bilga dasni lei
mafjadni gi'e se satre fo lei viknu .i ki'u lenu da'i ty. kalri le moklu kei
ri se culnygau da

tendais: .i ni'ibo ma nabmi

ritas: .i lei tcaxabju ma ba te juzme lenu da'i le puvjbena cu na zanfadni

relterlisri: la tendais ze'a catlu ry. .i ganse leka ry. mutce xanka da

ritas: .o'unai ti cmatcadu .i na zvati fa le jurme catra xukmi .i na zvati
le kakne mikce

tendais: .i lei ninmu cu renvi le di'u ka claxu le so'oki'omoi nanca

ritas: .i ba'e so'i lei ninmu go'i doi bebna nanla .i .u'inai ki'u ma mi
troci lenu ciksi .i la tcipos. leka citno cu traji .i do zu'u nelci lei
cirsau tcaci .iku'i lei ninmu .e lei cifnu zu'unai pu na'o morsi vi lei tu
je'unai zabna cirsau cmatcadu ni'o ji'a ko pensi la'edi'e .i mi da'ada bilga
gunka .ibo na curmi lonu mi sidju fo tu'a le cidja .ije ba'e do bilga citka
fi'o palta le se steci be leka roda poi na do noroi pencu .i xu jimpe

tendais: .ua.o'onai pau lei xabju cu jinvi ledu'u mi'o xu termakfa

ritas: .iecai .i ti'e lei termakfa cu punji di fo lei da cidja .i no xabju
mi'o ja'a lacri pu'o lenu la pruxi velsku cu cusku ledu'u mi'o na se ciblu
le termakfa ciblu .i la'edi'u na se gasnu le velsku pu'o lemu'e la tcipos se
jbena

pavterlisri:  la tendais co'a sanli

tendais: klama bilga .i lei drata nanla cu ju'o sisku mi mu'i lenu mi tu'a
lei bakni cu sidju .iku'i .ai mi ba finti le selplatu

ritas: ko joi mi ka'e cliva

relterlisri: la tendais. sutra barkla lei demspati gi'e to'omo'i bajra .i
co'a djunu ledu'u seki'unai le ri nupre be la ritas cu na te sidbo ledu'u
gasnu makau

ni'o

pavterlisri: co'a le bavlamji cerni la tendais. cu cikna co se rinka tu'a re
galtu slilu krixa .i le la tcipos. cifnu puco'a jbena gi'e nanla

relterlisri: .i la tendais co'a sanli gi'e jersi be lei drata nanla be'o
klama le barda gikfagre noi se jmaji lei tcaxabju .i ty. sisku la ritas ly.
.iku'i na zvati

pavterlisri: .i le cmastizu cu se zutze la garikai,is noi ralju .i lamji
zutse fa le nanmu poi na ze'epu se viska la tendais. .i ny. se flira lo
tinsa je se kurki gi'e se kanla lo xunre .i ny. dasni lei mafjadni gi'e
jgari le cadzu grana noi se sraku setai le'e since .i la'a ny. du la pruxi
velcku

relterlisri: .i lei prenu cu smaji casnu gi'e jgari vo'a mu'i le ka le cerni
cu lenku .i la tendais. masno facki ledu'u naku rode fadni .i ju'odai fadni
falenu da'i roda gleki .iku'i lei prenu cu simlu leka xanka .i la tendais
kucli pensi ledu'u xukau da'i ga le cifnu cu cfila gi la tcipos. cu morsi

pavterlisri:  .i le nimdze cu barkla le cmadinju .i klama bevri le bakfu
klama fa'amo'i le se zutse be la garikai,is joi la pruxi velcku

garikai,is: .o'a tsali

relterlisri: la pruxi velcku le cifnu cu lanli ca'o lenu lei tcaxabju xanka
zgana .i li'a na nelci lei verba .anai li'acai le ti verba .i frumu tadni le
se cinje cmaflira .i ze'a vau

pruxi velsku: .i'eru'e me mi'a

pavterlisri: lei prenu cu vi'a co'u xanka

relterlisri: .i ro tcaxabju cu cisma .i co'u ka xanka

garikai,is:  .uise'inai mi ponse pa bersa

pavterlisri: le patxu co'i porpi .i pada krixi .i roda de'a muvdu

relterlisri: la tendais. cu tirna le krixi be pa cifnu .i ba'e drata cifnu

pavterlisri:  le nixli cu barkla le simsa cmadinju .i ra du la ritas .i ji'a
bevri le bakfu

relterlisri: la ritas cu tsali dzukla la garikai,is noi ka le tsani cu farlu
kei simlu .i ry. le remoi bakfu cu friti

garikai,is: ki'enai

ritas: to sei mi'ecpe toi ti tixnu ba'e do

garikai,is: .i ca'e ti na tixnu mi .i ti palci kanjbe

ritas: sei co'a xanka ti prane kanro .i le mikce pu pu'o catra ti

garikayi,is: .i ti ruble tolrarna verba .i baco'i morsi

ritas:  ko ba'e tirna ti .i ba'e na ruble to sei pu'o klaku toi .i .ainai mi
na curmi lenu do catra lo cmalu cifnu

pruxi velcku: .u'ucu'i lo'e kanjbe cu palci .i fapro le cevni selplatu

ritas: ba'e no cifnu cu palci

pruxi velcku: .i bilga lenu pa le remei cu morsi gi'e se setca fo lei dertu
poi cnita le loldi be le jbena cmadinju

ritas: to sei cladu krixi toi .i ki'ubo li'acai ba'e le nixli cu bilga morsi
.i .o'onaizo'o ko catra le ba'e nixli .i le ba'e nixli cu na xamgu .i le
ba'e nixli na vamji da de .i zo'onai do'o ba'e vlile ba'e nanmu ba'e
tolmarde ba'e pevxarju

pavterlisri: la pruxi velcku cu lafti le ri grana mu'i lenu darxi la ritas
.iku'i la tendais cu vlile lebna gi'e renro fo lei fagri .i co'a suksa jelca

relterlisri: lei prenu cu se rigni jarco

pruxi velcku: to sei fe la ritas. joi la tendais. degji sinxa toi ko ta kavbu

pavterlisri: lei xabju cu sutra cpacu lei verba gi'e je tsali ralte .i da
lebna le cifnu .i de te jbera lo terdarxi grana la garikai,is.

relterlisri: .i le ralju cu ze'u sanli ga'u vy. .ibabo le flira cu co'i
dunku torni .i to'omo'i renro le grana gi'e masno dzukla le ri zutse

pruxi velcku: .o'unai ko setca le ti malverba le nunsfasa dinju

pavterlisri: la tendais. joi la ritas. se lacpu gi'e se pagrygau fi le vorme

relterlisri: ze'a terpa slilu zutse je smaji

ritas: ki'e tendais. .i'o do mi bandu

tendais: .uu ko skicu lenu pu mo

ritas: puki na curmi falenu mi zvati .iku'i mi tcedjica lenu viska .i mi
ze'epu na viska le cnino jbena .i mi mipkla le vorme .i cy. va cilmo be mu'u
le finpe be'o zvati .ibabo le fetsi cu jbena .i lei mikce cu co'a simdarlu
.ije la tcipos. co'a klaku .i pa lei ninmu cu nu te nuzba fo la garikai,is
kei klama

tendais: .iseni'ibo gy. puco'a djuno

ritas: .i ro lei xabju cu go'i .iku'i tcica lenu nago'i .i xy. na nelci lenu
catra

tendais: .i noda go'i

ritas: .i xy. jinvi ledu'u le nunmakfa cu rinka le nunkanjbe .i jinvi ledu'u
zasti fa pa xamgu kanjbe joi pa palci kanjbe noi xy. te javni lenu na ponse
ke'a .i lei mikce cu jdice ledu'u dunda le nanla la garikai,is gi'e dunda le
nixli pa mikce .i xu jimpe .uinai .i my. cusku ledu'u vajni falenu le cifnu
cu smaji .i da'i krixa seri'a lenu roda djunu ledu'u cy. jmive .iseri'abo
my. na ka'e tcica lenu mrojbe

tendais: .iku'i roda pu djuno

ritas: .i li'a go'i .i simsa le cidjrxembr,grz. poi mi'o vi cikta le zdani
.i djuno ledu'u le bakni cu se catra mu'i lenu zbasu cy. .iku'i na nelci
lenu pensi la'edi'u .i mi'o tcica lenu cy. se sorcu le jupkumfa .i si'a lei
xabju cu tcica ledu'u le palci cifnu cu morsi jbena

tendais: ma tadji lenu sidju cy

ritas: lenu da'areda barkla cu se nafmupli la tcipos noi toltsali banzu leka
sanli ku'o joi pa nimdze noi cpacu lei ba'o selfagri mudri mu'i lenu
culnygau le moklu be le cifnu

tendais: .o'onai ba'e rigni

ritas: .iku'i mi darxi ny. le patxu le stedu .ibabo mi lebna le cifnu gi'e
batci fo le degji seri'a ba'e caki carmi krixi .i xy. ba'o ka'e tcica lenu
cy. na jmive

pavterlisri: la ritas cu vlile slilu gi'e co'a krixi

relterlisri: la tendais cu pamjai gi'e masno slilygau .i ty. djuno ledu'u le
la'edi'u jai jikca be le'e bruna bei le'e mensi be'o na tcaci .iku'i ty.
jgira ry. gi'e tatpi lei cmatcadu jikca

fe'o

                     ____
 Chris Bogart        \  /  ftp://ftp.csn.org/cbogart/html/homepage.html
 Quetzal Consulting   \/   cbogart@quetzal.com