la mark,l fraba'u fi la xorxes

["Mark L. Vines" <MarkLVines@EWORLD.COM>]

Subject:     la mark,l fraba'u fi la xorxes
Sent:        10/6/95 6:34 AM
To:          LOJBAN LIST, LOJBAN@CUVMB.COLUMBIA.EDU

i la xorxes cusku di'e
> coi fi'i mark,l

coi xorxes  i ki'e mi gleki lenu mi ninpe'i do

> i mi gleki le nu lo drata be lei slabu cu mrilu bau la lojban
> i ui ui

i ki'e  i mi pu co'a ru'inai tcidu a'aru'e le valsi po'u vo lojban i'unai
le ma'ikarni sera'a la esperanton  i ua mi cu facki a'a la lojban a'ucai
ba po'o lenu mi co'i viska vo'e vi lemi samvidni ci'e le kuptedboi
seljivbu co skami ta'unai le za'e kuptedjivbu  i e'o ko fraxu mi lo toltiljvo

> i le do se ciska na mutce nitcu le nu cikre  i ku'i lo do lojbo
> zirpu ki'a

i o'anairo'e le tanru po'u lu lojbo zirpu li'u sinxa ma?  iku'i iecai mi
se raktu le cfipu

> i mi ji'a se bangu la esperanton

i la lojban semau la esperanton cu cinri mi  iku'i la esperanton semau la
lojban cu frili mi

> i mi djuno lo dukse tolmutce la la'adan

iji'a la lei'ydan semau la lojban cu nandu mi  i mi puzuze'a kelci la
lei'ydan  i mi pu reroi canja le xatra bau le nimbau fo la suzet heid,n
eldj,n  iku'i mi pu co'u tadni fu'inaisai la lei'ydan a'uru'e

> i xu zasti fa lo cecmu poi tavysi'u bau ly

i go'i  iku'i le nimbau cecmu ca cmalu gi'e cunfai  i la lei'ydan se
srana le kuptedjivbu judri po'u zoi zy http://www.io.org/~jackal/laadan.html
zy

> > ni'o .a'o ma'a le lojbo xatra ba canja  .i ka'u zoi .jy.
> > cvarms@eden.com .jy. ca judri mi le samsnuci'e
>
> i pe'i xagmau fa le nu gubni mrili ja'e le nu so'i prenu ka'e se prali

i i'a  i pe'i sarcu fa lenu do cikre lo mi jbozi'u kei fe lenu so'i prenu
ka'e se prali  i ta'obi'u zoi jy marklvines@eworld.com jy ca cnino judri
mi le samsnuci'e

> i lei cumki po'u lei nu tcidu bau la lojban cu mo'amei

i za'a du'e prenu caze'u se bende fo le lijda  i se'o so'i prenu bazu te
girzu fo le runbau mu'u la lojban  i u'ipei?

> i e'e ko di'a ciska

i ai

> co'o mi'e xorxes

co'o mi'e mark,l