Re: la mark,l fraba'u fi la xorxes

[jorge@PHYAST.PITT.EDU]

la mark,l mi di'e spuda

> > i le do se ciska na mutce nitcu le nu cikre  i ku'i lo do lojbo
> > zirpu ki'a
>
> i o'anairo'e le tanru po'u lu lojbo zirpu li'u sinxa ma?

i ue u'i mi na djuno i do pu pilno le lujvo po'u zo jbozi'u noi lujvo
fo lu lojbo zirpu li'u

> iji'a la lei'ydan semau la lojban cu nandu mi  i mi puzuze'a kelci la
> lei'ydan  i mi pu reroi canja le xatra bau le nimbau fo la suzet heid,n
> eldj,n  iku'i mi pu co'u tadni fu'inaisai la lei'ydan a'uru'e

i iacu'i cumki fa le nu nandu do ki'u le nu do nakni

> > i xu zasti fa lo cecmu poi tavysi'u bau ly
>
> i go'i  iku'i le nimbau cecmu ca cmalu gi'e cunfai  i la lei'ydan se
> srana le kuptedjivbu judri po'u zoi zy http://www.io.org/~jackal/laadan.html
> zy

i mi pu vitke ri  i ku'i na vasru lo ve skicu be le bangu  i na go'i
lo vlaste  i na go'i lo ve ciksi be le gerna  i na mansa mi

> > i lei cumki po'u lei nu tcidu bau la lojban cu mo'amei
>
> i za'a du'e prenu caze'u se bende fo le lijda  i se'o so'i prenu bazu te
> girzu fo le runbau mu'u la lojban  i u'ipei?

i u'i ie  i mi na se cinri le balvi i mi djica le nu rau prenu cu pilno
le bangu baziku ja'e le nu le bangu cu binxo lo zasti bangu

co'o mi'e xorxes