Re: ckafybarja

[Goran Topic <topic@STUDENT.MATH.HR>]

.u'i.oiro'ese'i .i mi na zgana .i mi mutce bebna pe'i .i lo cmene
na ka'e vasru la'e me'o ly.abu. .oi

.i mi ciska lo blexau lisri noi ku'i pamoi loi mi se zbatoi zi'e no'u
de'e .i pinxa fi ko

ni'oni'o fu'e

mi su'orere'u .u'ecu'i zvati ti .i .o'u ze'u na go'i .i slabu vrici
vi lei bitmu .i balre .i'u.ua .i ba'anai secu'u le refselta'a befi la
ramakricnan. be'o le pafpafpa'u pe le jatna cu misno balsoi .i .oiro'e
nadmorji .i y. .i dy. pu cusku .y ma .i .ua.ui cusku lu

  lo jy. pa'urpa'urpa'u to'i sa'a jy. du le barja jatna toi goi ko'a ca
  leza'i ko'a nanca lipavo kei le ko'a lanzu lei zeipre cu gunta .i lo
  se lanzu fi ko'a le du'u lo verba tu'a lo balre cu xlali cu cafciksi
  .i'e .i ku'i ko'a jundi gi'i za'o tolselzi'e zukte vau paunai .i ja'o
  nagi'e .i ta'onai lei zeipre lo lazyxa'u ca le nu le ko'a citme'a lo
  risfoi cu gunka zvati cu jbikla .i ko'a sezmipri .ibabo ko'a le zy.
  goi ko'i jatna tu'a le claba'e pe le ko'a patfu cu catra le'ori'e .i
  .y. na .oiro'a go'i .i .y. .i .uanaivu'onai ko'a jy. talsa gi'ebabo
  go'a .i ba'o la'e di'u le ko'a patfu to noi do jimpe ju'o pei ledu'u
  ji'a xamgu damba kei ke'a toi ko'a le ka balre pilno snura co'a lacri
  .i ko'a noi pamei ku'o le kamji'e nunra'i ku joi loi cidja selsro jy.
  jinga .i sega'a la'edi'u ko'i cu livbajra ti'e .i ja'a livbajra .u'i

li'u .i mi jetnu kucli .i pe'i birje lisri

ni'o selmo'i .i mi .e'u de'a morji gi'e zutse .a'enairo'o .i compre .i
mi nitcu lo tcati .i lu doi beipre lo tcati .au li'u se krixa mi no'i mi
tcecuxna .i roroi go'i .i lu lo jbari tcati .e ci sakta li'u nalsmaji .i
mi pinxe no xalka mixre .e no ckafi .i du'ercu'a no'i lo snuvru cu tirna
sosmentu .iba.uobo lo tcati se bevri lo ba'e trina cai .i ri goi ko'a zi
ju'o co'a vi gunka ni'i le nu ko'a cnino mi .i secu'u lu fi'i do tcati
li'u fi'o voksa lo mlerai cu dunda ty. .i .a'uro'u .i xekri kerfa gi'e
mliburska skapi gi'e zantai tatru gi'e co'e ro'usai .i ko'a cisma .i .ue
catlu be mi cisma .i cincta ke casnu cfari cando bo zutse .i zo citlat.
cmene ko'a cu'u ko'a .i to zo cinba ji'a xamgu pe'ipei paunai segi'u jai
mabla bavysmadi .i mi ja'a .e'i lifri lo dimna be mi toi .i melbi mi fa
ko'a joi le cabna

.i se'o djedi co selnei mi

fu'o

co'o mi'e. goran. noi cilre fi le nu valsi finti .y zi'e noi djuno
     ledu'u ke'a relsmu cusku .u'i zi'e noi ji'a ke'u litcpe loi pinka

--
GAT/CS/O d?@ H s:-@ !g p1(2)@ !au(0?) a- w+(+++) (!)v-@(+) C++(++++)
UU/H(+) P++>++++ L(>+) !3 E>++ N+ K(+) W--(---) M-- !V(--) -po+ Y(+)
t+@(+++) !5 !j R+@ G-@(J++) tv+(++) b++@ D++ B? e+* u@ h!$ f?(+) r--
!n(+@) y+. GeekCode v2.1, modifications left to reader to puzzle out