1.4.

[Ivan A Derzhanski <cbmvax!uunet!COGSCI.EDINBURGH.AC.UK!iad>]

di'e detri li pa pi'e vo pi'e pasosore  .itu'e

ko'a goi la'obylg. Gabrovo bylg. tcadu filemi gugde  .i pe'inaika'u
lo'eko'a xabju cu mutce dinprami gi'e xebni lezu'o cirko leri selpo'e
.i seki'ubo leiko'a prenu se zilsri so'ida le xabju be lei drata poi
tcadu be'o .eji'a vo'a  .i ja'ebo ko'a ralta'u sera'a lei xamselfinti

ni'o mu'a ka'u lo'e prenrgabrovo cu ka'arvi'u le rebla be levo'a mlatu
tezu'e lenu ri sutra leka pagre le vorme kei seri'a lenu le kumfa
nenri cu na lenku binxo

ni'o le selgu'e be so'ida ta'e salci lei zdile joi xajmi cala vomast.
padjed.  .i ri se detri lo barda nunsalci poi fasnu viko'a caro nanca
.i le ri'irpi'a pe le nunsalci cu pixra lo cisma ke xekri mlatu
.i le ri'irju'a du
   zoi bylg.  sveTYT .e .otseLIAL   zaCTOto se .e SMIAL  bylg.
noi smuni
   la'elu pe'a   le munje pu zatsta   ri'a lezu'o ri cmila   po'a li'u

to zo'ocu'i su'oko ri la lojban. xamgu fanva toi

ni'o ko di'i cmila

co'omi'e
   la'obylg. Ivan bylg.