TEXT: Lojbab bau la lojban .ue

[Logical Language Group <lojbab@ACCESS.DIGEX.NET>]

mi finti cusku bau la lojban sekai leka na pilno lo valsi liste
.isemu'ibo ko fraxu lenu mi so'iroi srera .iku'i la nik cu cpedu lenu la
lojbab. cu pilno la lojban.

mi tavla fi le mlatu .i re mlatu ca'o ponse mi to mi na ponse le mlatu
ki'u lenu noda ponse lo mlatu .i lu be mi li'u cu na'e sarxe zo mlatu
.ki'unai lu be mi li'u cu je'a sarxe zo verba to be mi toi toi

pa le re mlatu cu se cmene zo kostias. pe la rukyban ge'u .a zo midnait.
pe la gliban. ge'u po'u la midjycte pe la lojban.  .i le mlatu pu rusko
se cmene fi lemi verba ca lenu ri na tavla fo la gliban.  .iku'i tu'a le
cmene cu stidi ledu'u le mlatu cu piromei xekri .iku'i ca lenu makcu mi
zgana lenu so'u kerfa cu blabi

.i la midnait. cu prami lonu kansa lo prenu .i ca piro lo nicte my sipna
cpana lemi ckana .ije ca piro le djedi go'i .i ca piro le cerni .e le
vanci my. bartu bajra joi kelci joi kante joi fanta tu'a le my. tutra
.i ca lenu mi .a la noras cu sipna le ckana kei my sipna lamji
.ipiso'iroi my nelci lenu jgalu satre le birka skapi .oiro'o ca'o lenu
smicti le kerfa

ni'o le remoi mlatu cu se cmene zo ruk.  .ania. ruk. goi zo .anias .i la
.anias cu fetsi to la midnait cu nakni toi .i la .anias cu ckaji leka
piso'eroi terpa .i piro le masti xamei pe ba'o lenu co'a xabju ti kei
abu. cu simlu na'e sipna to ro lenu se zgana kei abu cikna vreta le
cnita be lo nilce .i caku abu. na roroi terpa .iku'i terpa le suksa ja
cladu savru .ije cnano na'e jikca .iku'i su'oroi abu. ji'a sipna le
ckana .ije su'oroi cadzu satre mi sepi'o le xadni .iuse'inai .i la'edi'u
cu velsku la'e lenu djica lenu mi satre abu.  .i su'oroi .abu cu sraku
lo stizu le jgalu .i la'edi'u cu velsku la'e lenu djica lenu kelci
.iba'oze'abo abu jersi le smacysmi selkelci poi jorne le skori

abu smacysmi kelci ca le lojbo tavla nunpenmi ca le cabdei .isemu'ibo mi
jdice lenu jbosku tedu'o le mlatu ca ti

mi'e lojbab.