TEXT.INT: la mikcetalul.

[A.D.M.Smith@BRADFORD.AC.UK]

coi doi jbotcidu

ni'o ca le prujeftu ca lenu mi cnicygau lemi cukta kei mi cu facki le
    cifnu sricku ne bau la .kisuaxIl.
.i mu'ilenu le jufrystura be le lisri cu mlifrili kei .e lenu mi caze'apu
    na'e ciska bau la lojban. kei mi jdice lenu mi troci lenu mi fanva le
  lisri la lojban.
.i le sritigni cu danlu poi remna tarti gi'e xabju zo'e pe vi le frikytutra
.i zo mikcetalul. cu cmene be ge le cukta gi le pamoi lisri gi le vajni
  tigni be le lisri
.i ko zdile

tu'e

ni'o la kalul. goi ko'a poi cicractu gi'e zmadu ro danlu pe le cicfoi leka
   certu ku'o puki zutse ca'uvi le ko'a zdani
.i leko'a galtuple cu se cpana le cmalu verba be la guas.
.i ko'a cu sarji le verba le ko'a zulxance
.i le ko'a prityxance cu te jgari le spisa be zbabu ko'a
.i le pe ca'uvi ko'a stizu cu selzva le vasru be mligla djacu
.i le verba cu glecisma ca lenu ko'a ca lumci vo'a
.i le speni be la guas. be'o goi ko'e cu zutse ne'a le lumvau gi'e pretypensi
    le du'u ko'a mu'izo'ekau cuxna le barda selgunka

.i te preti fi lu << mu'i mo? do gasnu ti li'u >>

.i ku'i pu lenu ko'a cu cusku zo'e kei le fange poi se cmene zo fis. gi'e
     na'ojeca fengu zo'e cu suksa zvati ti

.i la fis. goi fo'a cu cusku lu << mi djuno le ko'a mukti be lenu gasnu ti
.i ko'a pu stidi fi do fe lenu le verba  ba bilmybinxo janai do na lumci
     ri
.i zukte fi ko'a cu mutce selprali
.i mi se slabu ko'a li'u >>

.i ko'a cu spusku lu << .o'onairu'e xu? le vi verba cu simlu lo bilma do
   li'u >> gi'ecabo degja'o le verba noi cisma ge'u

.i fo'a cu cusku lu << nago'i .iku'i le verba na bilma ju do ri lumci li'u >>

.i lu << ro le do selsku cu jitfa >> li'u

.i lu << le'o ko cusku ledo mukti be ti ku mi li'u >>

.i ko'a cu lebna le sudgaubukpu
.i cfari falenu ko'a fi le verba cu mosryvimcu fe le djacu

.i cusku lu << mi fi do ba'e ciksi
.i le du'u lo jinsa verba cu zmadu lo naljinsa verba leka kanro cu mukti
    fi mi
.i zu'u loi ka naljinsa loi ka bilma cu simxu sarxe
.i zu'unai loi ka jinsa loi ka kanro
.i mi cu nelci lenu viska le jinsa verba poi kanro ku ne'a mi
.i semu'ibo mi fi la spen. guas. cu jarco le tadji belenu rinka lenu le
   verba cu kanro li'u >>

.i fo'a cusku lu << ku'i doi kalul. do na gasnu mu'i lenu le drata cu gleki
.i ca'o piro le nu mi jimve kei mi cu tirna le lisri be ledo velmikce
.i do roroi se prali
.i le drata roroi to'e go'i
.i do djica lenu mi krici lenu do troci lenu glegau la spen. guas. li'u >>

(to sa'a zoi gy. This should be 'Do you except me to...'  : mi djica le
  pinka befo do gy. toi)

.i la kalul. cusku lu << ledo selkri na cinri mi
.i do tirna lemi selsku
.i ko jdice fi ri li'u >>

.i fo'a cusku lu << le'o mi ca'a mutce fengu
.i ba'o lenu mi viska lenu do lumci levi verba keikei mi nu'o tersri .ia
   fe le do kazycertu fo lemi lanzu
.i ku'i mi cusku lenu do palcau gasnu
.inaja lemi lanzu ba jinvi lenu do culno to'e racli li'u >>

.i ko'a cusku lu << ko te lisri fo le lanzu fe lenu mi ja'a se prali
.i mi sisju le drata
.inaja mi mi sidju
.i xu? do djuno le du'u le cazyfusra grute cu se fusra le kanro grute va'o
   lenu ri ra cu simkansa li'u>>

.i lu << go'i li'u >>

.i lu << .i leka bilma cu panra
.i na se cumki lenu do kanro va'o lenu ro le drata cu bilma
.i ri'abo do co'a bilma le ra se bilma
.i le mi verba ta;e kelci le verba be la guas.
.i semu'ibo lenu mi ctuca la spen. guas. lenu lumci le verba cu se jalge
  lenu lemi verba cu roroi kanro li'u >>

tu'u


.i mi ba mrilu le terfanva
co'omi'e .andruc.