Re: SNU: ko co'e bau la lojban. (PU: cld (Jorge returns))

[Goran Topic <topic@STUDENT.MATH.HR>]

> .i mi berti joi lenku joi jilra .i baku co'a mo? .i xu do baco'a se jibri
> gi'i? tadni gi'i? surla bu'u la gento

.i pe'i do na lenku zu'i .i do kelvo licinosoji'i .i .e'u do lekfri

.i mi ji'a jilra .i loka kelvo lirexaji'ici cu cava na'o tcima .i snime
ga'uvi le loldi .i mi ju'emaubo so'o pendo cu lekfri .i ti mutce cenba
leni se kelvo

> ni'o doi rodo
> xenru lenu mi puze'a na'e mutce lojbo .i le lojbo mriste gi'e le la konlang.
> mriste puza'o sutra denmi .iji'a mi mutce se jibri .i mi na ka'e tcidu .uinai

.i denmi .iecai .i noda tcidu lo ciska be mi .uuse'izo'o .i so'ada casnu
lo smuni be zo ro .a lo nuntrutadji .i so'uda jbosku

> ni'o .ui ba'a mi bazi vitke le mi bruna le gugdrnepal .i by. cmima le merko
> ke panpi jenmi .i mi na se bangu le bangrnepali .iku'i mi tadni le bangrbo
> .iki'ubo so'i se gugdrbone cu se marbi le gugdrnepal le jugytru .ibo ji'a mi
> bangu fenki .ibo lei le bangrbo ku ciska ciste cu tcetcemelbi pe'i .i lenu
> facki le bangrbo seltadni cukta cu frili ri'abo lenu mi ragve le klaji lo
> budjo ckule

.i bangrbo ki'a .i gugdrbone ki'a .i le gugdrnepal na'i .i .e'u lu la
gugdrnepal. li'u .a lu le gugdrnepala li'u .a lo simsa be ri

.i mi mutce nelci loi ciska ciste pe lei sunku'u .iku'i su'ori nandu te
cilre .i mi tadni la jugban. gi'e ka'e bletcidu gi'eku'i kakne co ciska
mo'a vlale'u

co'o mi'e. goran.